جالال طالباني:

 "کرکوکو بازارليق مؤوضوعسو ائتمريک"

باشگون(دوشنبه) ١٤ ارديبهشت ۱٣٨٨ - ٤  می ۲۰۰۹

     اؤیرنجی: عيراق جمهور باشقانی جلال طالباني، کرکوکون ايداره سي مؤوضوعسوندا بازارليق ائتميه جک لريني و اصلا کرکوکو باشقا بير شئي اوچون وئرمه يه حاضير اولماياجاغام سؤيله دي.

    عيراقين شيمالينداکي کورد پارتييالاري نين اوست سويييه ايداره چي لري، بؤلگه ده ياشانان سون گلیشمه لري اله آلماق اوزره سولئيمانييه يه باغلي دوکان قصبه سينده بير آرايا گلدي. گرچکله شن گؤروشمه لره عيراق کوردوستان وطن سئورلر بيرليگي باشچيسي و عيراق جمهور باشقانی جلال طالباني، عيراق کوردوستان دئموکرات پارتيياسي ايله بؤلگه باشچيسي معسود بارزاني و ايکي پارتييانين اوست سويييه یئتکیلي لري قاتيلدي.

    جیهان خبر آژانسی نین یایینلادیغی خبره گؤره، ييغينجاقدان سونرا دوزه نله نن اورتاق مطبوعات کونفرانسيندا دانيشان عيراق جمهور باشقانی جلال طالباني، بيرلشميش ميلت لر، کرکوکده رئفراندومون بئش ايل مودتله تاخيره سالينماسيني ايستمه سينه قارشي اولدوقلاريني سؤيله دي. طالباني بونلار سؤيله دي:  "کرکوک رئفراندومو ايله علاقه دار اولان 140. مادده آنایاسا و قانوني بير مادده دير. هئچ کيم قانونو يا دا آنایاساني پوزوا بيلمز.

 اصلا کرکوکو باشقا بير شئي اوچون وئرمه يه حاضير اولماياجاغام. کرکوک ايله علاقه دار بير بازارليق اولماياجاق" داها سونرا سؤز آلان معسود بارزاني ايسه بؤلگه سل رهبرليک اولاراق تقديم ائديلن ب.م.ت تکليف راپورونو آراشديرديقلاريني بو مرحله ده راپور مؤوضوعسوندا چوخ آچیقلاما ائده بيلميه جگيني ايفاده ائتدي. ايکي ليدئر اؤنوموزده کي  آي سونوندا کئچیریلمه سي اولاسی سئچکي لر اوچون اورتاق ايتيفاق قوردوقلاريني، اؤزلرينه قارشي چيخان لیسته لرینده پارتييالاريني تاثير ائتميه جگيني ايفاده ائتدي. سئچکي تبليغاتي دؤورونده چوخ سايدا سياسي چکيشمه لرين اولا بيله جگيني سؤيله ين طالباني، سئچکيله علاقه دار ايش لرين مدني بير شکيلده ايجرا ائديلمه سي چاغيريشيندا دا اولدو.

    کئچیریله جک سئچکي لرده قورولان اورتاق اولوشمانين آغيرليغي نين اورتايا چيخاجاغيني ايفاده ائدن بارزاني، بو آغيرليغي داشيماق اوچون اللريندن گله ني ائده جک لريني سؤيله دي.  

  عيراق آنایاساسيندا 2005ده قبول ائديلن 140. مادده سي، کرکوکون ايداره سي مؤوضوعسونداکي آنلاشيلمازليغين، رئفراندوم داخيل بير سئريال مرحله دن کئچيله رک حلل ائديلمه سيني اؤن گؤرونور. 

   بيرلشميش ميلت لر، آنلاشيلمازليغين حلي مؤوضوعسوندا عيراق رهبرليگينه کئچن آي تقديم ائتديگي بير راپوردادا، حلله کؤمکچي اولاجاغيني اوميد ائتديگيني ايفاده ائتديگي 4 سئچه نک تقديم ائتميش، آنجاق سئچه نکلرين نه اولدوغو ايجتيماعيته آچيقلانماميشدي. 

اؤیرنجی وبسایتیندان http://www.oyrenci.com/News.aspx?newsId=6553