شیعه لیدئري مقتدا صدر:

کرکوک یالنیز کوردلرین دئییل، سونونا قدر يانينيزداييق !

باشگون(دوشنبه) ١٤ ارديبهشت ۱٣٨٨ - ٤  می ۲۰۰۹

  اؤیرنجی: صدر قروپونون ييغينجاغينا، عيراق پارلامئنتينده صدر قروپونو دستکله ين 30 ميلت وکيليندن 7سي قاتيلدي. بو ميلت وکيللريندن 3ونون تورکمن اولدوغو ايفاده ائديلدي. يئني استراتئژييالاريني تعيين ائتمک اوچون ايستانبولدا رامادا اوتئلده دونن بير زيروه گرچکله شديرن عيراقلي شيعه ليدئر موقتدا صدر، بوتون گون عيراق، ايران، لوبنان، هوللاندييا، لوندون و کانادادان گلن تخمينن 80  ايش آدامي، سيياستچي و صدر قروپو نوماينده لرييله قييمتلنديرمه لرده اولدو.

    یئنی شافاک قزئتینده یئر آلان خبره گؤره، صدر قروپونون ييغينجاغينا، عيراق پارلامئنتينده صدر قروپونو دستکله ين 30 ميلت وکيليندن 7ي قاتيلدي. بو ميلت وکيللريندن 3ونون تورکمن اولدوغو ايفاده ائديلدي. يئنه زيروه ده اوچ ده قادين ميلت وکيلي يئر آلدي. صدر قروپوندان کرکوکو تمثيل ائدن تورکمن ميلت وکيلي فئوزي اکرم درزي، صدرين عيراقين بؤلونمه سينه قارشي سيياست لر ايزله ين آک پارتييا حؤکومتيني تمثيلن باش باخان طيب اردوغانين يانيندا جمهور باشقانی عبدولله گول ايله گؤروشمه لري نين سون درجه موثبت کئچديگيني ايفاده ائتدي. درزي، تورکييه نين عيراق مؤوضوعسوندا عدالتلي داورانديغيني؛ عيراقين آ.ب.ش طرفيندن ايشغالينا قارشي چيخماسي نين صدر قروپو اوچون بؤيوک اؤنم ايفاده ائتديگيني وورغولادي.

  تورکييه هر کسه برابر مسافده 

   ييغينجاقدا ائديلن دیرلنديرمه لرده موقتدا اس صدر ميلت وکيللرييله بو فيکيرلري پايلاشدي: "تورکييه هر کسه برابر مسافه ده. اؤز تورپاقلاري اوزريندن عيراقين ايشغالينا قارشي چيخدي. آ.ب.ش اوردوسونون عيراق تورپاقلاريني آسانجا ترک ائده بيلمه سي اوچون تورکييه نين تورپاقلاريني آچا بيله جگيني سؤيله مه سي ايسه سئوينديريجي. عيراقين تورپاق بوتونلوگونو سونونا قدر مودافيعه  ائده جگيک."

  تورک لر ايشغالا قارشي چيخدي 

   کرکوک مؤوضوعسوندا تورکييه يه دستک وئرديک لريني يازان صدر، "تورک لر هر واخت عيراقين ايشغالينا قارشي چيخدي. من باشدا اولماق اوزره قروپومداکي هر کس کرکوک مؤوضوعسوندا تورکييه نين سونونا قدر يانيندا اولمالي. کرکوکون فرقلي بير مؤوقئعده اولماسي، عيراقين تورپاق بوتونلوگونه ضرر وئرر. بو سببله سونونا قدر تورکييه نين يانيندا اولماليييق" ايفاده لريني ايستيفاده ائتدي. 

  کرکوک عيراقيندير  

   صدر قروپوندان کرکوکو تمثيل ائدن تورکمن ميلت وکيلي فئزي اکرم درزي ده کرکوک مؤوضوعسوندا تورکييه يه دستک وئرديک لريني ايفاده ائده رک بئله دانيشدي: "صدر قروپو هر واخت کرکوکده کي  مظلوم تورکمن لرين يانيندادير. بيز کرکوک مؤوضوعسوندا هر واخت تورکييه يه دستک وئرديک. دستک وئرمه يه ده داوام ائده جگيک. موقتدا صدر دا عئيني فيکيرده اولدوغونو بيان ائتدي. کرکوکون موستقيل اولماسي و يا هر هانسي بير يئره باغلانماسي فيکيرينه قارشيييق. کرکوک، بوتون عيراق داخيلينده اولدوغو کيمي، تورکويله، کوردويله، عربي ايله عئيني نيسبتده تمثيل ائديلديگي، برابر حاقلارا صاحیب اولدوغو بير شهر اولاراق قالمادييار." زيروه ده، دونن آخشام ساعات 22.00 سيرالاريندا ائديلن سون ييغينجاغين آرديندان نتيجه بيلديرگه سي نشر یایینلاندی.

  طالباني: کرکوکله علاقه دار بير بازارليق اولماياجاق  

  عيراق دؤولت باشچيسي جلال طالباني، کرکوکون ايداره سي مؤوضوعسوندا بازارليق ائتميه جک لريني سؤيله دي. ژورناليست لره آچیقلاما وئرن جلال طالباني، "140. مادده آنایاسادا و قانوني بير مادده دير. هئچ کيم قانونو يا دا آنایاساني پوزا بيلمز. اصلا کرکوکو باشقا بير شئي اوچون وئرمه يه حاضير اولماياجاغام. کرکوک ايله علاقه دار بير بازارليق اولماياجاق" دئدي.

قایناق اؤیرنجی وبسیته‌سی