توركمنلر دياريندا… عاشورا

 إدريس تسينلى

چيلله ۱۷, ۱۳۸۷

هجرى ييلين ايلك آيى اولان (محرم)، هر ييل توم مسلمانلار بو آيين ايلك اون گونون مخصوص بير حزن وكدرلى بيله رلر، (عاشورا) يعنى محرم آينين اونونجو گونو، (۶۱) هـ ييليندا معاوية اوغلو يزيد پيغمبـرين نوه سى حضرت علي نين اوغلو مسلمانلارين ئوچونجو إمامى (حسين) كربلاده شهيد ايديلديغى مناسبتدير.

رحمتلى (محمد صادق كركوكلو) سويلييور:

ماهى محرمدير بو گون يوكسه لدى هر ييرده فغان

إنس وملك ماتم دوتار فرياد ايده ر كون ومكان

شو مناسبتين خاص مراسملرى واردير، بو اون گونده دوگون، گه زمك، چشيتلى ييمك، كيف صفا مجلسلرى ياصاق ايشلرده ن صايلير، (فضولى) شعرينده سويليور:

ماهى محرم اولدو مسرّت حرامدير

ماتم بو گون شريعته بير احترامدير

تجديد ماتم شهدا نفعسيز ده گيل

غفلت سرايى دهرده تنبيه عامدير

قاوغايى كربلا خبرين سهل صانما كى

نقص وفايى دهره دليل تمامدير

بو گونلرده أركك قادين بويوك كوچوك قارا لباسلاريله سلامنان صونرا (يزيده لعنت، هميشه لعنت، حسن حسينه رحمت) دييب، صو ايچديكده نده صونرا(عشق ايچه نلره، رحمت ايماننان كوچه نلره) سويله رديله ر، توم انسانلار عزالرده حاضر اولوب جامعده موللا خطيبلر إمام حسين وأهل بيتينين باشنه گله ن مصيبت وفلاكتلرى قونوشوب، شعرله آغيتما شكلينده ويا كوكسه چالما اوصولوندا اوقوردولار:

ياعلي يانديغ آتديغ

دينى هوايه ساتديغ

سن قورتار بير حال ايله

سن قورتار بير حال ايله (حيدر)

يا كى:

دوتموشوغ سنه ماتم

أي فخر كل عالم

ياراتدى خدام سنى

يارانماميشدى آدم(حيدر)

ويا:

نه توكوسه ن گوز ياشى

آغلاتديي داغى داشى

ذو الجناح سنه قوربان

هانى حسين- ين باشى

گيجه لر اونلار اونـلار گنجلـر أللرينـده زنجير بيلله رينه چالا چالا ديللرينده:

ياران باشين صاغ اولسون بو ماتمى عزاده

ئولدوردوله ر حسينى صحرايى كربلاده

جامعلرده رحمتلى ( شهيد ملا صمد، شهيد ملا حيدر بشيرلى، ملا جعفر خياط، ملا عبود بشيرلى، ملا حمزة محمد تازه لى، خونكار تكيه سينده سيد أحمد، ملا قنبر ده ميرچى طوزلو، شهيد استاد محمد عبد الله) وملا غالب بشيرلى وباشقالارى اوقودوغو وتنظيم ايتديغى سوزله رى دونده رييورلر:

ديشره گل خيمه ده ن آخر جيگه ريم ياندى باجى

أليم اوستونده علي أصغريم اوخلاندى باجى

رحمتلى (حسن گوره م طوزلو)ده سويليور:

حسينيلر بيليرسيز كربلاده من نه لر گوردوم

او غملى ييرده عاشورا گونونده ن چوخ بير أثر گوردوم

گله ن آغلار گيده ن آغلار (حسين واي) ناله سى ديلده

زيارت ايليه ن آغلار توكه ر أشكى بصر گوردوم

حرمه وارد اولدوم من زيارت ايلييم قبرين

حسين ين سينه سى اوسته يارالى سوت أمه ر گوردوم

عاشورا گيجه سيله صباحينين يينه مخصوص مراسيملرى واردير، شو گيجه توم ايولرده اونلار قازان (شـوله ن، حليـم، كيشـكه ك) دييله ن إسمينده بير ييمه ك پشيريلير، صباحين أركه ن وقتيله باشا (قمه) چالانلار، آل ره نگه دونه ن ألبسه لريله (حيدر حيدر) دييب، گروب گروب جاده لرده ن گيچيب كويون بويوك جامعينه يوزله شيرديلر، اوزون اوزون گيجه چاليشان مرانگوزله ر(نجارلار) ياپتديغى (كجه وا) ايشلرى وطاختادان قليجلر، اوخلار، بشيگله ر، قورولان چادور خيمه لر، بيچيله ن اول زمانين ألبسه لرينه بنزه يه ن (چوجوق، أركه ك، قادين) لباسلارى، كويون گنجلرى بونلارا گوزه ل بير شكلده، حاضرليق ويريب تا كى كربلا اولايـلارين آچيـق بير (تياترو) شـكلينده گوزه ل شعر، قونوشما، آغيتمالارلا هر كس رولونو أدا ايديب اوينارديلار.

عاشورا گونو ئويله آذانيندان ئونجه جامعلرده طوپلانان مللت موللا وخطيب وعظلرينى ايشيتمه ده ن صونرا، امام حسين قيلديغى گيبى صون ئويله نمازى جامعلرده اولان كيشيلر گوز ياشلاريله بير آندا (الله أكبر) سه سيله نمازلارينى قيلارديلار.

محرم آينين اون بيرينجى گيجه سينه (شام غريبان) گيجه سى دييه رلر، وغريب ديديكلرى إمام حسين ين شهاده تينده ن صونرا خسته اوغلو (إمام زين العابدين) وباجيلارى (حضرت زينب وأم كلثوم) و(بني هاشم) چوجوقلارى يتيم آتاسيز قالان بالالار أللرى آياقلارى زنجيرله ره باغلانيب (شاما) أسير گيديبلر، اول گيجه ده پيغمبرين نوه لرى (غربت، أسيرليق، ذللت) قيد وزنجيرلرينه يزيد عسكرلرين ظلم وستملرينه چيبلاق ديوه لر اوسته دايانيب دوزوبلر.

آيرلدى قارداشيندان ياران بلالى زينب

بيكسلره پرستار اولدو وفالى زينب

قالدى دخى ئولونجه باغرى يارالى زينب

أز بسكه چكدى محنت ميدانى كربلاده

سيز آغلايون عزيزان ئولدو شاهى مدينه

اولدو أسير عيالى ظلميله أهل كينه

بالله يتيم آراده قالدى بو گون سكينه

بابا دييه ر دولانير ميدانى كربلاده

غريبلر گيجه سينده إمام حسـين وأهل بيتنى مواسـات ايتمه ك ايچين بويوك، كوچوك أركه ك، قادين بتون إيوله ر، جامعلر، جاده لرين قارانليغينى أللرده كى (موم) ايله ايشيقلانتريرديلار، وبو مراسملرى گوزه ل وده گرلى شعرلريله ياپارديلار.

ــــــــــــــــ

* بو قونودا بولونان قاچ پارچا شعرلر وخاطره لر رحمتلى ملا جعفر خياط يارديميله يازيلميشدير.

—
قایناق: اسکی تسین