عراقدا اسارتده اولان تورکمانلار بؤلگه سي کرکوک مسئله سي گئتديکجه داها چتين دوروما دوشمکده دير.

کوردلر ايللردير گئنيش يارديملار آلاراق بؤلگه ني ايشقال ائتمگه باشلاسالاردا، هله ليک اوراني ساختا کوردوستان اؤلکه سينه داخيل ائتمه گوجونه ماليک دئييلديرلر.

باي بک-ه گلن بيلگيلره گؤره، کرکوکون گله جگي اوچون باتي اؤلکه لري نين حربي-ايقتيصادي يئتکيليلريندن اولوشان بير قوروم چاليشير تا کرکوک مسئله سي نين کوردلردن يانا اولماسي اوچون زامان قازانسينلار، هابئله سون آيلاردا ائنئرژي سورونونون يارانماسي اوچون، ساختا کوردوستاني داها اؤنملي يئر صاحيبي اولان بؤلگه تانيتديرساينلار.

تورکيه نين بو آرادا کرکوکده دانيلماز رولو وار، آنجاق دئولت باشچيلاري اؤز قازانجلارينا داها چوخ دوشونه رک، کرکوکون گله جگين تهلوکه يه آتماغ يولوندا آديملاييرلار.

ائرمنيستانلا دوستلوغ ايسته کي گؤندره رک او تروريست دئولته لئقالليغ قازانديران تورکيه دئولتي، سون گونلرده ساختا کوردوستان يئتکيليلريني تورکيه يه چاغيرماقلادا او بؤلگه ده اولان تروريست قورومو رسمي بير سياسي دئولت کيمي تانيديلار. بو اوزوجو اولايلارين آرد-آردينا باش وئرمه سي بير داها آ.ک.پ-نين تورکدن باشقا هامييا قوللوغچولوق ائتمه سيني ايثبات ائتمکده دير.

اولوسال کريز کوميته سي گئچن گونلرده عراق-کوردوستان اوچون بير اؤنريده بولونوب. بو کوميته نين ايشي باتييا آخان اوجوز نئفتين دايانماماسي اوچون يارانيب و آماجيدا نئفتين داها اوجوز و داها چوخ آخماسينا زمين حاضيرلاماقدير. بو کوميته نين اؤنريسي بودور کي کوردلر کرکوکو ايستمگي ۱۰ ايل دايانديرسينالر، عوضينده عراق دئولتي کوردلره نئفت ساتماغ ايذني وئرسين.

بو پلاني اؤنه سورن کوميته نين آماجي بودور کي ايلک اولاراق کوردلر رسمي شکيلده نئفت ساتماغ حاقي قازانسينلار، داها سونرا ان قيسسا زاماندا کرکوکو ايسته مگه دوام وئرسينلر. آرتيلراق کي بو وئريله جک اولان زامان ايچريسينده، کوردلر داها گوجلو اولاراق بؤلگه ني ايشقال ائده بيلمه شانسي الده ائده جکلر.

تورکيه اويونون باشقا طرفينده داياناراق، ائرمنيستان و ساختا کوردوستاندان نئفتين ايخراجاتي اوچون يارديمجي و آراج اولاراق گؤرو ياپماقدادير.

 برگرفته از سایت : بای بک

کرکوکده کورد-عرب دؤيوشو يولدامي؟

اودگون(چهارشنبه) ٨ آبان ۱٣٨۷ - ۲۹ اکتبر ۲۰۰٨

  اؤیرنجی نیوز: بين الخالق کريزيس قروپو سون حساباتيندا، عيراقين آز دا اولسا ثابيتليک قازانان قورولوشونون، کرکوک نفتي اوزرينده گئتديکجه قيزيشان بير کورد-عرب دؤيوشونه سبب اولا بيله جگي بيلديريلدي. 

 اؤیرنجی نین جیهان خبر آژانسی ندان آلدیغی خبره گؤره، اينگيليس The Guardian  قزئتي نين گئنيش بير شکيلده يئر وئرديگي حساباتدا، کوردلر و عربلر آراسيندا چيخا بيله جک اولابيله جک بير قارشيدورمانين، 2003-جو ايلده ياشانان شيعه-سونني قارشيدورماسيندان سونرا ان تهلوکه لي اينکيشافلاردان بيري اولاجاغي وورغولاندي.  

  بين الخالق کريزيس قروپو، عيراق تورپاقلاري اوزرينده کي  آنلاشيلمازليقلارين اؤلکه ده کي  سياسي ايشلري مانعه تؤرتديگيني، نفت گليرلري نين پايلاشيلماسيني اساس آلان قانونون چيخماسيني تاخيره سالديغيني و داشارا سئچکيلريني گئجيکديرديگيني مودافيعه  ائتدي. 

   " کرکوکده کي  عرب و تورکمنلر قورخو ايچينده "  شرحيني ائدن The Guardian ، عرب ايله کوردلر آراسينداکي ايختيلافين اينگيلتره نين عيراقي قوردوغو بيرینجی دونيا دؤيوشو سونراسي تاريخه سؤيکنديگيني ايفاده ائديلدي. خبرده،  " ائتنيک موختليفليگين چوخ و سيخ اولماسي، تورکييه و ايران کيمي ايکي بؤيوک رئگيونال گوجو ايچينه چکه بيلمه احتيمالي اولماسي و بؤلوندوکدن سونرا ييغيشماسي چوخ گوج بير پوتئنسيالا صاحیب اولماسي باخيميندان کرکوک پروبلئمي، شيعه- سونني حاديثه سيندن سونرا ان بؤيوک تهلوکه اولاراق گؤرولور "  دئييلدي.  

  عربلر و کوردلر آراسينداکي ايختيلافين اصل سببي نين، نفت قويولاري اوزرينده قورولان کرکوک شهري اولدوغونو وورغولايان قزئت، بورادا کورد، عرب و تورکمنلردن عيبارت اولان تخمينن 900 مين نوفوسون ياشاديغيني کؤچوردو. کرکوکون کورد يئرلي رهبرليک طرفيندن ايداره اولوندوغونو يازان The Guardian ،  " پراکتيکادا بو بؤلگه کورد پئشمرگه لر و سيا ايله ياخين علاقه لري اولان کورد کشفيات خيدمتي آسايش طرفيندن ايداره اولونور. بؤلگه ده کي  اهالي نين يوزده 40يني مئيدانا گتيرن عرب و تورکمنلر ايسه کورد کشفيات خيدمتي سببييله قورخو ايچينده ياشاييرلار "  ايفاده لريني ايستيفاده ائتدي.  

  بؤلگه ده کي  عرب و کوردلر آراسيندا چيخان ايختيلافدان سونرا وضعيتي فرقينه واران نوری الماليکي نين، کرکوکه عيراق عسگري گؤندرديگي ايفاده ائدن حساباتدا ايسه، بو بؤلگه يه عسگر گؤندريلمه سي نين کورد پئشمرگه لري حيرصلنديرديگيني، عرب و تورکمنلرين داها سونرا کرکوک مجليسينده کورسو طلبلري نين ده کوردلر طرفيندن ردد ائديلديگينه ديقت چکيلدي.  

  پروبلئمين تک حلي اولدوغونا کؤچورن بين الخالق کريزيس قروپو، بونو دا  " کوردلره کرکوک نفتلريني چيخاريب گليرلريني ايداره ائتمه قارشيليغيندا، کرکوک شهري نين استاتوسونون نه اولاجاغي قرارينا قاريشماماسي "  اولاراق گؤستردي.  

 قایناق: اؤیرنجی